Balcon su la Cjargne

Domenie ai 10 Març a lis 4 dopomisdì al Teatri Palamostre il Comun di Udin al presentarà, in onôr de Cjargne, il spetacul “Balcon su la Cjargne” ideât e realizât da Bepi Agostinis. Un “recital” cun poesiis di scritôrs cjargnei e furlans, di îr, fin ai nestris dîs che a contaràn de Cjargne cuntune carelade di un centenâr di diapositivis di Gino Del Fabbro di For Davuatri, alternadis a vilotis cjantadis dal Coro di Gjviano. A saràn presentadis poesiis, dutis sul teme de Cjargne che a descrivaran sedi lis sôs bielecis naturâls che de vite de int e dai paîs. In colaborazion cu la associazion “Proloco cjargnelis” si podarà cjatà te jentrade dal Teatri dutis lis ufiertis ”deplians” sul turism che une ventine di proloco a àn prarât par rindi une buine vilegjature a chei che a vuelin passâ lis in vacancis in Cjargne. In cheste ocasion Bepi al darà il cumiât a lis senis daspò cuasi 40 agsn di ativitât scomençade cul frecuentâ la “Scuele di recitazion pal Teatri furlan” direte da Nico Pepe.