Il dossier del Centro Europeo di Ricerca di Mercatori sul friulano a scuola

Centro Europeo di Ricerca sul Multilinguismo e l’Apprendimento delle Lingue con sede in Frisia (Paesi Bassi) – ha predisposto un dossier sulla situazione del friulano a scuola, che sarà al centro di una tre giorni dall’11 al 13 aprile, che vedrà coinvolti Società Filologica Friulana (SFF), Assemblea di Comunità Linguistica Friulana (ACLiF), Università degli Studi di Udine e altre realtà di primo piano nella promozione e diffusione della lingua friulana.

Primo appuntamento con il convegno accademico a Udine giovedì 11 aprile alle 15 nell’Auditorium Carlo Sgorlon del Polo della Formazione dell’Università di Udine in Via Margreth 3.

Venerdì 12 aprile alle 17.30 a Palazzo Belgrado in Piazza Patriarcato a Udine, l’incontro sarà aperto ai rappresentanti delle istituzioni e a tutta la cittadinanza per avviare insieme un dibattito sulla questione, in collaborazione con ARLeF e Regione.

Infine sabato 13 aprile presso la Biblioteca civica Don Gilberto Pressacco di Codroipo, dalle 9 presentazione all’interno della XI Giornata della Scuola friulana, evento dedicato agli insegnanti.

“Non nascondiamo – commenta Federico Vicario, presidente della Filologica – che ci sono molte preoccupazioni sull’insegnamento del friulano a scuola, con diversi istituti comprensivi che faticano a garantirlo agli studenti. Attraverso questa seconda edizione del Dossier del Centro Mercator sulla lingua friulana, vogliamo riaprire il confronto su questa tematica centrale per la diffusione del friulano”.

“Non dimenticando inoltre – aggiunge Daniele Sergon, presidente ACLiF – che l’insegnamento della lingua friulana è strettamente legato al tema dell’autonomia scolastica: infatti gli istituti che la garantiscono possono derogare dai numeri minimi di studenti per plessi e sezioni. Un tema di stretta attualità visto l’accorpamento di vari istituti comprensivi sul territorio regionale che nelle aree friulanofone potrebbero invece contare su questo diritto. Ne discuteremo con il mondo delle istituzioni, per trovare percorsi comuni di valorizzazione”.

IL DOSSIER DAL CENTRI EUROPEAN DI RICERCJE MERCATOR SUL FURLAN A SCUELE

Mercator – Centri European di Ricercje sul Multilinguisim e l’Aprendiment des Lenghis cun sede in Frisie (Paîs Bas) – al à prontât un dossier su la situazion dal furlan a scuele, che al sarà al centri di trê dîs di ativitât dai 11 ai 13 di Avrîl, che a viodaran adun Societât Filologjiche Furlane (SFF), Assemblee di Comunitât Linguistiche Furlane (ACLiF), Universitât dai Studis di Udin e altris realtâts di prin plan te promozion e difusion de lenghe furlane.

Prin apontament cu la cunvigne academiche a Udin joibe ai 11 di Avrîl a lis 3 dal dopomisdì intal Auditorium Carlo Sgorlon dal Pôl de Formazion da l’Universitât di Udin in Vie Margreth 3.

Vinars ai 12 di Avrîl a lis 5 e mieze dal dopomisdì a Palaç Belgrado in Place Patriarcjât a Udin, l’incuintri al sarà viert ai rapresentants des istituzions e a dute la citadinance par inviâ adun un dibatit su la cuestion in colaborazion cun ARLeF e Regjon.

Par finî, sabide ai 13 di Avrîl li de Biblioteche civiche Pre Gilberto Pressacco di Codroip, des 9 di matine presentazion dentri de XI Zornade de Scuele furlane, event dedicât a insegnants.

“No platìn – al dîs Federico Vicario, president de Filologjiche – che a son tantis preocupazions sul insegnament dal furlan a scuele, cun putrops istitûts comprensîfs ch’a fasin fadie a garantîlu ai students. Traviers cheste seconde edizion dal Dossier dal Centri Mercator su la lenghe furlane, o volìn tornâ a vierzi il confront su cheste tematiche centrâl pe difusion dal furlan”.

“Cence dismenteâ dopo – al zonte Daniele Sergon, president ACLiF – che l’insegnament de lenghe furlane al è leât a strent cul argoment da l’autonomie scolastiche: difat i istitûts che le garantissin a puedin derogâ dai numars minims di students par ples e sezions. Un argoment di rude atualitât cjalant al acorpament di diviers istitûts comprensîfs sul teritori regjonâl che intes ariis furlanofonis a podaressin invezit contâ sun chest dirit. Int discutarìn cul mont des istituzions, par cjatâ fûr percors comuns di valorizazion”.