Con il nuovo aggiornamento anche Firefox “diventa friulano”

Il progetto è stato realizzato da Fabio Tomat, appassionato di informatica e friulano. A lui il plauso dell’ARLeF

In questi giorni Mozilla Firefox – il browser libero e multipiattaforma di Mozilla Foundation – ha lanciato un nuovo aggiornamento (il numero 111) grazie al quale sarà possibile scegliere, per l’interfaccia desktop e Android, anche la lingua friulana.

Si tratta di un’operazione che ha visto il signor Fabio Tomat tradurre quasi 14 mila stringhe. Un lavoro, il suo, frutto di una doppia, grande, passione, quella per l’informatica e quella per le lingue, anzi, per meglio dire, per il friulano! Quarant’anni, macchinista di treni, Tomat non è nuovo a operazioni di questo tipo: «Dal 2010 mi occupo di realizzare traduzioni come questa. Si tratta di una passione che è nata un po’ per volta e che ha potuto dare i suoi frutti anche grazie ai corsi gratuiti di friulano che ho frequentato negli anni e che mi hanno consentito non solo di imparare la grammatica della lingua, ma anche di venire a conoscenza dei molti strumenti a disposizione per la traduzione. All’inizio devo ammettere di essere stato carente, ma poi studiando, applicandomi e grazie alla passione, devo dire che ho ottenuto ottimi risultati», ha raccontato spiegando il suo percorso di apprendimento della lingua friulana.

Il suo lavoro sul browser Firefox, frutto di anni di impegno, si aggiunge ad altri importanti progetti legati alle piatteforme web e social, quali la recente realizzazione dell’interfaccia Facebook in friulano, così come le versioni di WordPress e di Telegram in marilenghe, sostenuti dalla Regione Friuli-Venezia Giulia e dall’Agenzia Regionale per la Lingua Friulana – ARLeF. Progetti in linea con quanto previsto dal “Piano generale di politica linguistica per la lingua friulana 2021-2025”, che prevede, tra le altre, la diffusione del friulano nell’esperienza d’uso delle principali piattaforme tecnologiche. È proprio per questo che dall’Agenzia sono arrivati al signor Tomat i più sentiti complimenti per il lavoro svolto così come per l’ottima qualità delle traduzioni effettuate.

A questo punto, per gli internauti che utilizzano Mozilla Firefox, non resta scaricare l’aggiornamento e sielzi il furlan!

___________________________________________________________________________________

Cul gnûf inzornament ancje Firefox “al devente furlan”

Il progjet al è stât realizât di Fabio Tomat, passionât di informatiche e di furlan. A lui il preseament de ARLeF

In chescj dîs Mozilla Firefox – il browser libar e multiplateforme di Mozilla Foundation – al à mandât fûr un gnûf inzornament (il numar 111) che al permetarà di sielzi, pe interface desktop e Android, ancje la lenghe furlane.

E je une operazion che e à viodût il siôr Fabio Tomat voltâ cuasi 14 mil stringhis. Un lavôr, il so, che al è il risultât di une dople, grande passion: chê pe informatiche e chê pes lenghis, anzit, par dîle miôr, pal furlan! Cuarante agns, machinist di trens, Tomat nol è gnûf a operazions di chest gjenar: «Al è dal 2010 che o fâs traduzions come cheste. E je une passion che e je nassude un pôc par volte e che e à podût dâ i siei risultâts ancje in graciis dai cors gratuits di furlan che o ai frecuentât intai agns e che mi àn permetût no dome di imparâ la gramatiche de lenghe, ma ancje di scuvierzi i tancj imprescj che si puedin doprâ pe traduzion. O scuen ameti che in principi o jeri carent, ma che po midiant dal studi, de aplicazion e cu la passion, o pues dî di vê otignût risultâts une vore bogns», al à contât fevelant dal so percors di aprendiment de lenghe furlane.

Il so lavôr sul browser Firefox, che al ven di agns di impegn, si zonte a altris progjets impuartants peâts aes plateformis web e social, tant che la realizazion resinte de interface di Facebook par furlan, lis versions di WordPress e di Telegram in lenghe furlane, sostignûts de Regjon Friûl-Vignesie Julie e de Agjenzie regjonâl pe lenghe furlane – ARLeF. A son progjets in linie cui contignûts dal “Plan gjenerâl di politiche linguistiche pe lenghe furlane 2021-2025”, che al previôt, tra lis altris robis, la difusion dal furlan te esperience di ûs des plateformis tecnologjichis principâls. Al è propit par chest che de Agjenzie a son rivâts al siôr Tomat i compliments plui sintûts pal lavôr puartât insom e pe grande cualitât des traduzions fatis.
A chest pont, ai internautis che a doprin Mozilla Firefox no ur reste che discjamâ l’inzornament e sielzi il furlan!