Doppio evento con il “menestrello” Branduardi, ad Aquileia
Il 17 luglio il cantautore dialogherà con il giornalista del Messaggero Veneto, Oscar D’Agostino; il 18 sarà in concerto in piazza Capitolo. Un doppio evento sostenuto anche dall’ARLeF- Agenzia regionale per la lingua friulana
Il “menestrello” d’Italia, Angelo Branduardi, sarà ospite della città di Aquileia i prossimi 17 e 18 luglio. Un doppio appuntamento, organizzato dal Comune di Aquileia, che ha ricevuto anche il sostegno dell’ARLeF – Agenzia regionale per la lingua friulana.
Il cantautore e polistrumentista è infatti anche noto per la sua celebre reinterpretazione della ballata popolare “Scjaraçule Maraçule”, attribuita a Giorgio Mainerio: musicista e prete, una figura emblematica della complessità oscura e visionaria del ‘500 friulano, in cui colto e popolare si fondono in un mistero alle volte insondabile. Branduardi, tra i cantautori più rivoluzionari innovativi del panorama musicale italiano, con il suo stile unico e ricercato, ha composto canzoni influenzate da musiche antiche, ma anche da sonorità folk europee e americane, oltre che dal rock progressivo. Come spiegato da Paolo Paron, studioso di tradizioni popolari: «Branduardi è un appassionato di musiche tradizionali di tutto il mondo. In passato si è interessato alla musica popolare friulana. Conosciuta l’opera di Mainerio, ne ha realizzato una sua reinterpretazione, la nota “Ballo in fa diesis minore”».
Branduardi sarà protagonista, lunedì 17 luglio, alle 20, nella sala consiliare del Comune di Aquileia, in piazza Garibaldi. Lì presenterà il suo libro “Confessioni di un malandrino”, in dialogo con il giornalista del Messaggero Veneto, responsabile delle pagine di Cultura e spettacoli, Oscar D’Agostino. Presentare la serata spetterà invece al sindaco di Aquileia, Emanuele Zorino.
La sera seguente, martedì 18 luglio, invece, il cantautore si esibirà in un concerto, sempre ad Aquileia, in piazza Capitolo, dalle 21.30.
Entrambi gli eventi saranno a ingresso libero.
Info e prenotazioni: 389 2858620 | aquileiachemusica@gmail.com |
______________________________________________________________________________________________
Dopli event a Aquilee cun Branduardi, il “cjantôr contestoriis”
Ai 17 di Lui il cjantautôr al dialogarà cul gjornalist dal Messaggero Veneto Oscar D’Agostino; ai 18 al sarà in conciert in place dal Cjapitul. Un dopli event sostignût ancje de ARLeF- Agjenzie regjonâl pe lenghe furlane
Il “cjantôr contestoriis” di Italie, Angelo Branduardi, al sarà ospit de citât di Aquilee ai 17 e 18 di Lui prossims. Un dopli apontament, organizât dal Comun di Aquilee, che al à vût ancje la poie de ARLeF – Agjenzie regjonâl pe lenghe furlane.
Il cjantautôr e polistrumentist al è cognossût di fat ancje pe sô reinterpretazion famose de balade popolâr “Scjaraçule Maraçule”, atribuide a Giorgio Mainerio: musicist e predi, une figure emblematiche de complessitât scure e visionarie dal ’500 furlan, là che cult e popolâr si fondin intun misteri che no simpri si pues scandaiâ. Branduardi, tra i cjantautôrs plui rivoluzionaris e inovatîfs dal panorame musicâl talian, cul so stîl unic e ricercjât, al à componût cjançons influençadis di musichis antighis, ma ancje di sonoritâts folk europeanis e americanis, in plui che dal rock progressîf. Cemût che al à sclarît Paolo Paron, studiôs di tradizions popolârs: «Branduardi al è un apassionât di musichis tradizionâls di dut il mont. Tal passât si è interessât ae musiche popolâr furlane. Cognossude la opare di Mainerio, al à fat une sô reinterpretazion, la famose “Ballo in fa diesis minore”».
Branduardi al sarà protagonist, lunis ai 17 di Lui, aes 8 di sere, inte sale consiliâr dal Comun di Aquilee, in place Garibaldi. Li al presentarà il so libri “Confessioni di un malandrino”, dialogant cul gjornalist dal Messaggero Veneto, responsabil des pagjinis di culture e spetacul, Oscar D’Agostino. Al presentarà la serade il sindic di Aquilee, Emanuele Zorino.
Invezit, la sere dopo, martars ai 18 di Lui, il cjantautôr si esibirà intun conciert, simpri a Aquilee, in place dal Cjapitul, des 9.30 di sere.
Ducj i doi i events a saran a jentrade libare.
Informazions e prenotazions: 389 2858620 | aquileiachemusica@gmail.com |
