ARLeF: bando a favore degli enti pubblici per la promozione del bilinguismo visivo
L’intervento riguarda la cartellonistica esterna agli edifici, la cartellonistica informativa o turistica e i supporti visivi sui mezzi di trasporto. Gli enti potranno inviare le richieste entro il 16 settembre.
Prosegue l’azione dell’Agjenzie regjonâl pe lenghe furlane – ARLeF per dare piena attuazione alla legislazione di tutela della lingua friulana e, in particolare, alle norme sul bilinguismo visivo stabilite dalla legge regionale 29/2007.
A tal fine, gli enti pubblici del territorio di lingua friulana possono manifestare l’interesse a sottoscrivere con l’Agenzia un accordo di collaborazione ai sensi dell’art. 15 della legge n. 241/1990, mediante la proposta di un progetto per l’acquisto e l’installazione di: a) cartellonistica e insegne bilingui all’esterno degli immobili sede di uffici e strutture operative; b) cartellonistica informativa e turistica; c) scritte bilingui sui mezzi di trasporto (entro il limite massimo del 10% della spesa totale). È esclusa la segnaletica stradale, già oggetto di precedenti bandi.
L’ARLeF valuterà le proposte pervenute secondo i criteri stabiliti nell’avviso, ai fini dell’eventuale concessione di contributi stabiliti nella misura massima dell’85% della spesa ammissibile, ed entro un massimo di € 15.000,00.
L’Agenzia fornirà la consulenza linguistica affinché sia garantito il rispetto della grafia ufficiale della lingua friulana e la pari evidenza grafica tra le due lingue.
Le modalità per la presentazione della proposta di collaborazione sono disponibili sul sito dell’ARLeF (www.arlef.it), sezione Pubblicità legale. Il termine per la presentazione delle richieste è il 16 settembre 2024. Le domande dovranno pervenire esclusivamente mediante invio di Pec all’indirizzo arlef@certgov.fvg.it
Per ogni informazione è possibile telefonare allo 0432 555812, o scrivere a: arlef@regione.fvg.it
ARLeF: bant a pro dai ents publics par promovi il bilinguisim visîf
L’intervent al tocje la cartelonistiche fûr dai edificis, chê informative o turistiche e i supuarts visîfs tai mieçs di traspuart. I ents a podaran mandâ lis domandis fin ai 16 di Setembar.
La ARLeF – Agjenzie regjonâl pe lenghe furlane e va dilunc cu lis ativitâts par meti in vore ad implen la legjislazion di tutele de lenghe furlane e, in particolâr, lis normis leadis al bilinguisim visîf fissadis de leç regjonâl 29/2007.
Par chest, i ents publics dal teritori di lenghe furlane a puedin pandi il lôr interès par firmâ cu la Agjenzie un acuardi di colaborazion daûr dal art. 15 de leç n. 241/1990, presentant une propueste di progjet par comprâ e instalâ: a) cartelonistiche e insegnis bilengâls difûr dai edificis che a son sede di uficis e di struturis operativis; b) cartelonistiche informative e turistiche; c) scritis bilengâls tai mieçs di traspuart (fin a un massim dal 10% de spese totâl). La segnaletiche stradâl, che e jere za stade tratade in bants precedents, e ven lassade fûr.
La ARLeF e valutarà lis propuestis rivadis su la fonde dai criteris fissâts tal avîs, pe eventuâl concession dai contribûts, fin a un massim dal 85% de spese amissibile e fin a un massim di € 15.000,00.
La ARLeF e metarà a disposizion la consulence linguistiche par che al sedi garantît il rispiet de grafie uficiâl de lenghe furlane e une evidence grafiche compagne tra lis dôs lenghis.
Lis modalitâts par presentâ la propueste di colaborazion si puedin cjatâ tal sît de ARLeF (www.arlef.it), sezion Publicitât legâl. La date di scjadince pe presentazion des domandis e je ai 16 di Setembar dal 2024. Lis domandis a varan di jessi mandadis dome vie Pec ae direzion di pueste arlef@certgov.fvg.it
Par cualsisei informazion si pues clamâ il numar 0432 555812, o scrivi a: arlef@regione.fvg.it
